|
La printempo ree venas de Jongsan
Himno de ŭonbulismo
 [uon002.mid]
- La printempo ree venas de Jongsan,
kaj malfermas savan pordon Sotesan',
patro de vivuloj ĉiuj kun favor',
tial granda estas nia korfeliĉ'.
- Ni, vagintaj en la nigra mallumej',
kredu je la ĝusta darm', tutmonda lum',
kaj atingu la senlimajn fortojn tri
per sentempa kaj ĉiea meditad'.
- Ni, celantaj la savadon de la mond'
alkonduku el sufero per saĝŝip'
homojn al la ilŭon-flora paradiz'
kaj feliĉu tie por eterna hor'.
La gepatroj sanktaj
Glorkanto al la gepatroj [uon057.mid]
- Nian tiun ĉi ja korpon naskis la gepatroj sanktaj,
kaj la korpon ankaŭ nutris la gepatroj grandkompataj.
- Amon ĉian donis ili, malfacilojn eltenante,
kaj nin gvidis al homvojo, eĉ kuname riproĉante.
- Tiun ĉi senhelpan korpon bonkreskigis la gepatroj,
kaj maljunajn ilin servu ni sincere pro bonfaroj.
[Rekantaĵo]
Ni glorkantu la bonfarojn de gepatroj altvalorajn,
kaj sekvante la bonfarojn rekompencu ilin karajn.
Poreternas la animo
[uon104.mid]
La animo vivas ĉiame,
kaj elstaras ĝi nirvane.
Eternfloras ĝi post scio
Ĉiupaŝe sutras ĉio.
Jam amikis ni pli frue
[uon115.mid]
Kantas Vida.
Jam amikis ni pli frue
en malnova budhanaro.
Kial ĝojas ni renkontiĝi
kvazaŭ longesopiratoj?
Sento nia en silento
palpas milojn tri da jaroj.
|
La printempo ree...
La gepatroj sanktaj
Poreternas la animo
Jam amikis ni pli frue
|
